Friday, June 28, 2013

Till the end of time ( ከዘላለም በኋላ )



ከዘላለም በኋላ …

የተቆጠሩ ቀናቶች በጊዜ ስፍር የተሞሉ
የኔ -ያንቺ ደቂቃዎች በዘመን የተከለሉ
ውስን ሰውነታችን ገደብን ቢያውጅብንም
እኔ እና አንቺ
ለመለየት አልመጣንም
ለመሞት አልተመደብንም
-----
እኔ ግን - አንቺ ግን
ይኼ “ግዜ” “አሁን” እንኳን
ዛሬነት ቢያልፍም ተጣድፎ
የትውልድ ዓይን እንደ ወግ - በጊዜ ሽንፈት ሸክፎ
እንኖር የለ ? ዘመን ዘልቆ - ፍጥረት አልፎ?

ፍቅር -
ከዚህም ዘመን በኋላ - እኛም ካለፍን በኋላ
“የባከነ -ሰዓት” ተጨምሮ - ጊዜ አቅሙ እስኪላላ
ሁሌም እወድሻለሁ - በማይለወጥ መሃላ …

ጳዝዮን - ሰኔ 2013

----------------------------------------------------

 

No comments:

Post a Comment

Leave a Message:

Followers